DÍA NON LECTIVO

Hoxe, luns 4 de maio, non tedes actividades porque tampouco teriamos que ir ao colexio por ser un dos días escollidos polo noso centro como non lectivo e aprobado pola Consellería de Educación.

Aproveitade para descansar e gozar deste día solleiro de maio. Por certo, este é o mes das flores por excelencia. Recordades que o curso pasado no cole fixemos un maio? Estaba situado na entrada principal do colexio e adornado con moitas flores de diferentes cores. Que bonito nos quedara!!

Podedes aproveitar o tempo de saír a pasear para fixarvos en que os campos están cubertos de flores, nótase que estamos na primavera!

Tamén podedes facer flores na casa con materiais de refugallo (por exemplo: con tapóns de botellas de diferentes cores). Aquí vos deixamos algunhas ideas. Esperamos que vos gusten!
Se vos animades, envíadenos fotos das vosas manualidades.